Cwynodd Mr T fod Cyngor Bro Morgannwg wedi methu â rhoi ymateb Cam 2 i’w gŵyn am asbestos posib.
Penderfynodd yr Ombwdsmon fod y Cyngor wedi derbyn y cais Cam 2 ond, oherwydd cam-gyfathrebu rhwng y timau, ei fod wedi methu ag ymateb. Dywedodd fod hyn wedi achosi rhwystredigaeth ac ansicrwydd i Mr T. Penderfynodd setlo’r gŵyn heb wneud ymchwiliad.
Gofynnodd yr Ombwdsmon a chytunodd y Cyngor i ymddiheuro wrth Mr T a thalu iawndal o £50 iddo i gydnabod yr oedi gyda delio â’i gŵyn. Cytunodd y Cyngor hefyd i roi ymateb i gŵyn Cam 2 Mr T o fewn tair wythnos.