Cwynodd Ms A am y gofal a’r driniaeth a gafodd ei diweddar dad, Mr B, gan y Practis, gan gynnwys nad oedd wedi trin anemia ei thad yn ddigonol.
Er bod y Practis wedi rhagnodi un mis o asid ffolig, penderfynodd yr Ombwdsmon na chynhaliwyd ymchwiliad pellach i lefel ffolad Mr B ar ôl i bresgripsiwn y mis ddod i ben. Ar y cyfan, roedd yn debygol y dylai’r presgripsiwn asid ffolig fod wedi parhau. Penderfynodd setlo’r gŵyn heb ymchwiliad.
Fe wnaeth hi geisio a chael cytundeb y Practis, y byddai o fewn 20 diwrnod gwaith yn ysgrifennu at Ms A i gydnabod ac ymddiheuro nad oedd rheoli diffyg ffolad ei thad yn briodol, ac i adolygu ei driniaeth o’r cyflwr hwn i wella gofal ar gyfer cleifion yn y dyfodol.