Cwynodd Mr A fod cynnwys Cais am Fynediad at Ddata gan y Testun a gafodd gan y Cyngor yn cynnwys nifer o sgyrsiau mewnol a oedd yn amhroffesiynol ac yn anghwrtais.
Canfu’r ymchwiliad enghreifftiau o gyfathrebu yn y deunydd a ddarparwyd nad oedd yn ymddangos fel pe baent yn trin cwyn Mr A â sensitifrwydd na pharch.
Er mwyn datrys cwyn Mr A, cytunodd y Cyngor i ymddiheuro i Mr A am ddiffyg proffesiynoldeb y Cyngor wrth ystyried ei gŵyn ac i atgoffa staff perthnasol o egwyddorion gwasanaeth cwsmeriaid da. Roedd yr Ombwdsmon o’r farn bod y camau yr oedd y Cyngor wedi cytuno i’w cymryd yn rhesymol a bod y mater wedi’i setlo.