Cwynodd Miss L fod Cyngor Abertawe wedi methu ag ymchwilio i achos lleithder a llwydni yn ei heiddo a’i fod wedi oedi cymryd camau i ddatrys y mater.
Canfu’r Ombwdsmon fod y Cyngor wedi methu ymateb i gŵyn gychwynnol Miss L ac nad oedd wedi cofnodi pryderon diweddar Miss L fel cwyn. Dywedodd fod hyn wedi achosi rhwystredigaeth ac ansicrwydd i Miss L. Penderfynodd setlo’r gŵyn heb ymchwiliad.
Ceisiodd a derbyniodd yr Ombwdsmon gytundeb y Cyngor i ysgrifennu at Miss L i ymddiheuro am y methiannau a nodwyd, cynnig iawndal o £75 iddi am yr amser a’r anghyfleustra o wneud cwyn i’r Ombwdsmon, ac ymateb i’r gŵyn o fewn 4 wythnos.