Cwynodd Mr a Mrs X nad oedd Cyngor Sir Penfro wedi gorfodi amod cynllunio ar eiddo cyfagos.
Canfu’r Ombwdsmon fod oedi wedi bod cyn i’r Cyngor ymateb i gŵyn Mr a Mrs X, a oedd yn bennaf oherwydd problemau’n dod o hyd i ymchwilydd i gynnal ymchwiliad Cam 2. Dywedodd yr Ombwdsmon fod hyn wedi achosi rhwystredigaeth ac ansicrwydd ychwanegol i Mr a Mrs X. Penderfynodd yr Ombwdsmon setlo’r gŵyn heb ymchwiliad.
Ceisiodd a chafodd yr Ombwdsmon gytundeb y Cyngor i ysgrifennu at Mr a Mrs X o fewn pythefnos i roi ymddiheuriad ac esboniad am beidio â rhoi’r wybodaeth ddiweddaraf iddynt ac am yr oedi cyn penodi ymchwilydd. Cytunodd y Cyngor hefyd i benodi ymchwilydd o fewn 6 wythnos i gynnal ymchwiliad Cam 2 yn unol â’i weithdrefn gwyno ac, wedi hynny, i roi’r wybodaeth ddiweddaraf i Mr a Mrs X bob mis nes bydd yr ymateb Cam 2 yn cael ei gyhoeddi.