Derbyniodd yr Ombwdsmon gŵyn gan Gyn Glerc Cyngor Tref Bwcle (“y Cyngor Tref”) fod Aelod (“yr Aelod”) o’r Cyngor wedi torri’r Cod Ymddygiad. Honnwyd bod yr Aelod wedi galw am ymddiswyddiad y Cyn Glerc mewn cyfarfod o’r Cyngor a fynychwyd gan Gynghorwyr, staff ac aelodau’r cyhoedd.
Cyfeiriwyd yr adroddiad ar yr ymchwiliad at Ddirprwy Swyddog Monitro Cyngor Sir y Fflint i’w ystyried gan Bwyllgor Safonau’r Cyngor. Bydd y crynodeb hwn yn cael ei ddiweddaru yn dilyn penderfyniad y Pwyllgor Safonau.