Cwynodd Mr A nad oedd Bwrdd Iechyd Prifysgol Betsi Cadwaladr wedi ymateb i’w gŵyn na rhoi diweddariadau iddo ers iddo wneud y gŵyn dros 4 mis yn ôl.
Canfu’r Ombwdsmon nad oedd y Bwrdd Iechyd eto wedi ymateb i’r achwynydd ac roedd wedi methu diweddaru Mr A yn briodol yn ystod ei ymchwiliad. Dywedodd yr Ombwdsmon fod hyn wedi achosi rhwystredigaeth i Mr A a phenderfynodd setlo’r gŵyn heb ymchwiliad.
Ceisiodd a chafodd yr Ombwdsmon gytundeb y Bwrdd Iechyd i ymddiheuro am fethu diweddaru Mr A, cynnig iawndal o £50 a chyhoeddi ymateb i’r gŵyn o fewn 8 wythnos.