Cwynodd Mrs C ar ran ei gŵr, Mr A, am y gofal a’r driniaeth niwrolegol a gafodd gan Fwrdd Iechyd Prifysgol Caerdydd a’r Fro rhwng mis Mawrth a mis Mehefin 2021. Ymchwiliwyd i’r materion canlynol:
a) A oedd triniaeth niwrolegol Mr A rhwng mis Mawrth a mis Mehefin 2021 yn briodol. Yn benodol:
• A ellid bod wedi gwneud mwy i osgoi haint.
• A oedd ei siynt draenio fentrigaidd allanol (“EVD” – dull mesur dros dro o ddraenio hylif o’r ymennydd a llinyn asgwrn y cefn ac o’i amgylch) yn cael ei newid yn ddigon rheolaidd.
• A ddylid fod wedi ystyried siynt fentrigwloperitoneol (“VP” – tiwb plastig bach i helpu i ddraenio hylif ychwanegol o’r ymennydd a llinyn asgwrn y cefn ac o’i amgylch).
• Os dylid bod wedi ystyried anhwylder Von Willebrand (cyflwr etifeddol lle nad yw’r gwaed yn ceulo’n iawn).
b) A oedd Mr A yn ddigon iach i gael ei drosglwyddo i ysbyty gwahanol ar 28 Mehefin 2021.
Canfu’r ymchwiliad fod y gofal a’r driniaeth a ddarparwyd i Mr A gan y Bwrdd Iechyd rhwng mis Mawrth a mis Mehefin 2021 yn briodol yn glinigol, yn ogystal â’r penderfyniad i’w drosglwyddo i ysbyty arall ar 28 Mehefin 2021. Ni wnaeth yr Ombwdsmon gadarnhau’r cwynion.